В субботу, 04 марта, прошел конкурс среди читающих семей школы.
Кулун тутар 4 күнүгэр биһиги оскуолабытыгар бастакытын «Сахалыы ааҕар дьиэ кэргэн» күөн -күрэс буолан ааста.
Бу алта түһүмэхтэн турар тэрээһиҥҥэ 1 миэстэни 5б кылаас үөрэнээччитэ Ганя Садовников ийэтэ Марфа Васильевналыын ыллылар. Уонна «Бичик «кинигэ кыһатын анал бирииһин — сертификат туттулар.
Иккис миэстэни 8б кылаас үөрэнээччитэ Степанова Лада ийэтэ Татьяна Тарасовнаны кытта ыллылар уонна «Чолбон «сурунаал анал бирииһэ сыл аҥардаах босхо сурутуунан бириэмийэлэннилэр.
Үһүс миэстэҕэ 6б кылаас үөрэнээччитэ Стручкова Айыына ийэтэ Мария Ильиничналыын таҕыстылар уонна «Кэскил «хаһыат анал бирииһин кылаабынай эрэдээктэр Иринцеева Е.С. илиититтэн туттулар.
8 б кылаас үөрэнээччитэ Марков Федор ийэтэ Дарина Федоровналыын «Кинигэ до5ордоох дьиэ кэргэн» анал ааты, «Кэскил» хаһыат редакторын алгыс тыллаах анал бирииһин ыллылар.
Бары кыттыбыт дьиэ кэргэн «Бичик «кинигэ кыһатын бэлэҕин ыллылар.
Дьүүллүүр сүбэҕэ ЕС. Иринцееваҕа, ХИФУ преподавателэ И.Н.Сороваҕа тэрээһини тэрийсибиттэригэр барҕа махталбытын тиэрдэбит.